दरबन्दी कटौती गर्दै झन्डा वितरण: गुणस्तरीय शिक्षामा असर? प्रा.वि विद्यालयहरूमा दरबन्दी कटौती गर्दै सूचकका आधारमा मूल्यांकन गरी उत्कृष्ट झन्डा वितरण गरिनु विवादित विषय बनेको छ। स्थानीय शिक्षा प्रेमीहरूका अनुसार दरबन्दी कटौती गरी विद्यालय सञ्चालन गर्नुपर्ने बाध्यता हुँदाहुँदै पनि मूल्यांकनको नाममा झन्डा वितरण गर्नु निरर्थक छ।
“मुख्य कुरा गुणस्तरीय शिक्षा हो, दरबन्दीको अभावमै मूल्यांकन गर्नुले के अर्थ राख्छ?” एक विद्यालय प्रधानाध्यापक भन्छन्, “यो त केवल भत्ता पचाउने खेल मात्र हो।”
विद्यालयहरूले अंक प्राप्त गर्न हतारहतारमा बनावटी तयारी गर्नुपर्ने बाध्यता रहेको शिक्षासँग जोडिएका सरोकारवालाहरू बताउँछन्। “हामी अंक प्राप्त गर्न होइन, वास्तविक गुणस्तर सुधार गर्न चाहन्छौं।”
यसबाहेक, कतिपय शिक्षक तथा अभिभावकहरू शिक्षाको मूल उद्देश्य ओझेलमा पर्ने खतरा रहेको बताउँछन्। एक अभिभावकले भने, “मातृत्व जोगाउनका लागि छोराछोरीको गास समेत कटाएर संघर्ष गरिरहेका छौं। यस्तो अवस्थामा दरबन्दी कटौती गरेर गरिएको मूल्यांकन अन्यायपूर्ण छ।”
शिक्षा प्रणालीमा सुधार आवश्यक छ भन्ने पक्षमा सबै सहमत छन्। तर दरबन्दीको उचित व्यवस्थापन नगरी मूल्यांकन र झन्डा वितरणले शिक्षाको गुणस्तरमा कस्तो प्रभाव पार्छ? यो विषयमा अझै गहिरो बहस आवश्यक देखिन्छ।
About The Author
